09-03-2011 - 01:39 am | بواسطة زهره الياسمين | مشاهدات: 1561






السلام عليكم ورحمه الله وبركاته

الشريك

( بضم الشين) وهو صنف من المعجنات

طعمه رائع جدا ناخده على الفطار مع

كوب شاي بلبن ان شاء الله يعجبكم

تعالوا نشوف الطريقة

المقادير
=====

كيلو دقيق = كوب حليب = 6 بيض = كوب
سمن


أو سمن وزيت درة = فانيليا = بشر
برتقال =


كوب سكر = خميرة فورية مع ربع كوب
لبن دافىء


وملعقة سكر ( لاحظوا شكل الخميرة
مرتفعة ازاي)




نضرب البيض مع السكر في الخلاط ونضيف
الفانيليا


ثم نضيف الحليب ثم السمن ثم نضع
الخليط في
طبق العجن
ونضيف بشر البرتقال ثم الدقيق
شوية شوية أنا زودت على كيلو الدقيق حوالي كوب كمان لميت بيه العجينة ولازم تكون
طرية


ولاتنزعجي اذا لقتيها بتلزق في ايديك

بس لاتزودي الدقيق يادوب المقدار



نتركها حتى تختمر وهاتاخد وقت معاكي

فوق الساعة ونص وهنا شكلها بعد
الأختمار




نبدأ في التشكيل وكل واحدة وطريقتها
ومزاجها




لفيتها بالشكل ده



عملت شكل تاني زي البريوش

أخدت العجينة وفردتها وحطيت فواكه

مسكرة وممكن تحطي زبيب



لفيتها رول



وحطيتها في القالب



ودي اشكال تانية







نسيبهم يختمروا تاني وتكوني مشغلة

الفرن من الأول

ملحوظة هامة جدا جدا
=============

نظبط الفرن على 180 درجة ونضع

الرف أعلى مستوى ولا نشغل الشواية

تحت فقط ليه بقى لأنه بيتأثر
بالحرارة


بسرعة وممكن يتحرق ولابد من مراقبته

كل شوية واذا لقيتيه استوى من تحت

وفوق لسة تنزلي الصواني تحت خالص

وتكوني طفيتي الفرن من تحت أوعي
تنسيها


وتشغلي الشواية علشان يحمر الوجه

لكن أنا لم أشغل الشواية استوى فوق

وتحت من غير الشواية النار السفلية
فقط وبالنسبة للشريك العجن والتشكيل

في ناحية والأهتمام والتركيزفي الخبز
ناحية تانية خالص


وبعد الأختمار نضع الصواني كما ذكرت
سابقا


وآدي الشريك طلع
في منتهى الجمال


وخفيف وهش زي الكيكة والله



وهنا البريوس كأنه كيكة



وآدي كل الشريك
بكيلودقيق فقط وممكن زيادة كوب عليه




ايه رأيكم ان شاء الله يكون عجبكم

وفي انتظار آرائكم الجميلة

دمتم في رعاية الله وحفظه



التعليقات (7)

كنزى همام
كنزى همام
1. رد: طريقه عمل الشريك... 21-04-2011 - 02:39 am


ماشاء الله عليكى ده انتى فنانه الله اكبر .تسلم ايدك يا قمر بس لازم ادوق مينفعش صورة من غير طعم ههههههههه
صرخة
صرخة
2. رد: طريقه عمل الشريك... 21-04-2011 - 03:30 pm


,وااااااااو رووووووووعه ياقلبو يستاهل فايف ستارز



ام احمد ثروت
ام احمد ثروت
3. رد: طريقه عمل الشريك... 21-04-2011 - 10:34 pm


يسلموا ايديكى اختى دى حاجه رررررررررررررررررررروعه حاجربها وادعيلك انشاء الله
زهره الياسمين
زهره الياسمين
4. رد: طريقه عمل الشريك... 23-04-2011 - 01:28 am


مش حاكون اشطر منك يا كنزى ..ان شاء الله لما ترجعى بالسلامه او ابعت لك بالايميل ههههههههه

زهره الياسمين
زهره الياسمين
5. رد: طريقه عمل الشريك... 23-04-2011 - 01:32 am



حبيبتى صرخه ....مشكوووووووووووووره
ام كنزى همام
ام كنزى همام
6. رد: طريقه عمل الشريك... 05-06-2011 - 01:33 am


خلاص انا موافقه ابعتى ع الاميل وانا هاستقبل الاضافه هههههههههههههههههههههههههههه
خفايا القلب
خفايا القلب
7. رد: طريقه عمل الشريك... 16-06-2011 - 04:24 pm


ماشاءالله عليك دائمن تتحفيننا بمواضيع حلو زيك :w8: