16-11-2008 - 12:22 am | بواسطة RNO2008 | مشاهدات: 14743






تحية عطره
لجميع من دخل وقرأ
موضوعي ..





طريقة تشقير الحواجب


هالطريقه بصراحه تخلي حواجبك كأنك حافتها وهذي الطريقة بتخليك تستغنين عن الروحه للكوفيرات وتعتمدين على نفسك وتكونين حرة نفسك بتحديد معالم جمالك وطبعا أنا مانزلت الموضوع الأ بعد ماتأكدت من أن المشايخ أفتوا بجواز التشقير والله أعلم ..


الطلبات هي..


فرشاة حواجب للتمشيط + قلم كحل اسود + وثاني ابيض للتحديد .او. للي ماتعرف تحدد
صبغة كلستون بني غامق للبنات اللي شعورهم شقراء..
صبغة الطاؤؤس أومايسمى دجى الليل للبنات اللي شعورهم سوداء..
كريم سودوأومرهم كينا كومب (يستخدم بعد التشقير ألتهابات والتحسس والندوب)..
Blondorمن ويلا
weiioxon بيروكسيد مثبت مع الاعشاب بقوة 9%

الطريقـــه...
وهي تجيبين blondorمن ويلا مقدار ملعقة وحده
نضيف لها ملعقتين من weiioxon بيروكسيد مثبت مع الاعشاب بقوة 9%30
طبعا لكل ملعقة من بلوندر نضيف ملعقتين من بروكسيد weiioxon
نخلطها ألين نحصل على مزيج زي الكريم وتخلينها على جنب ..
وترسمين حواجبك بالقلم الكحل الأسود الرسمه اللي تعجبك ونحدد بالقلم الأبيض الشعر والحدود اللي نبي نشقرها وممكن نستخدم كونسيلر كمخفي للشعر اللي بنشقره ويحدد لنا الحواف للحاجب..
وبكذا راح نعرف الشعر اللي راح نشقره وشكل الحاجب كيف بيطلع معانا راح تكون النتيجة واضحة لنا ..
ونبدأ نجيب السودو كريم أو مرهم كينا كومب وندهن الحواجب والمنطقة المحيطة بها علشان ماتتحسس البشرة بعد التشقير وتطلعنا ندوب ..
بعدهــــــا تاخذين مزيج التشقير اللي جهزناه من ويلا والبروكسيد ونحدد الشعراللي نبي نشقره حواف الحاجب يعني بأبره خياطة كبيرة لأن رأسها مدبب ويساعد أو بأعواد الثقاب أوأعواد الأذاني القطنية أنا أرتاح أكثر بأبرة كبيرة تعطيني نتايج ممتـــــــازة ..
بعدين نخلي المزيج لمدة نصف ساعه ونشوف لوتشقر نزيله ونمسح الحواجب بأسفنجة أوقطنة مبلولة بالمياه وبعدين نغسلها بالمياه وبعدين نمسحها بالمناديل وندهنها مره ثانيه بطبقة من مرهم كينا كومب أو سودو كريم على خفيف مانكثره كمية قليلة جدابس اللي نمسحه فقط..
وبعدين اللي شعرها أشقر تمزج صبغة كلستون البني الغامق مع بروكسيده كمية قليلة فقط لرسم الحواجب..
واللي شعرها أسود تمزج صبغة الطاؤؤس أومايسمى دجى الليل بالماء كمية قليلة اللي تمزجه بس ..
وبعدها نحدد الحواجب باللون المناسب لنابأبرة كبيرة أو عود ثقاب أو عود الأذاني ونخليه 15 دقيقة ونزيله بقطنة مبلولة بعدين نغسلها ..
وبكذا أنتهينا والحمدلله ..
واللي تبغى تشقر الشنب أو الوجه أو الجسم تستخدم نفس طريقة مزيج البودرةبلوند ويلا ملعقة مع ملعقتين من بروكسيد weiioxon ولوماتستحملين التشقير على جسمك يعني يتحسس أضيفي ملعقة حليب أبو قوس أو حليب بوني السائل للتشقير وماراح يحرقك وراح يبيضك أكثر
وبكذا نكون أنتهينا ..

وبرأي طريقة التشقير أفضل وأولى لنا ياأخواتي ...( لأنه لعن الله النامصه والمتنمصه ))
وأن شاء الله طريقتي هذي تكون واضحه لكم ولاتنسوني من دعائكم أخواتي الكريمات ..
مع تحياتي لكم


التعليقات (7)

لوليتا
لوليتا
1. مشاركة: احترفي تشقير الحواجب في المنزل 30-11-2008 - 07:09 pm


يووووه اتمنى اشقر حواجبي بس امي تقول لا توك صغيره اذا رحتي الثنوي يصر خير >>>الله يعيني هع


يعطيك العافيه وانشاءالله البنات يستفيدون
RNO2008
RNO2008
2. مشاركة: احترفي تشقير الحواجب في المنزل 01-12-2008 - 03:47 pm


ياقلبي انتي حلوه بدون تشقير والله يعطيك العافيه على مرورك المتواصل
دلوعة الهلال200
دلوعة الهلال200
3. مشاركة: احترفي تشقير الحواجب في المنزل 16-12-2008 - 03:31 am


مشكووووووره
RNO2008
RNO2008
4. مشاركة: احترفي تشقير الحواجب في المنزل 18-12-2008 - 03:15 am


العفو ياقمر
نتالي
نتالي
5. مشاركة: احترفي تشقير الحواجب في المنزل 25-03-2009 - 08:48 pm


مشكورة حبيبتي على الاستفادة وانشا للة نجازيكي
غايتي اسعاد امي
غايتي اسعاد امي
6. رد: احترفي تشقير الحواجب في المنزل 08-07-2009 - 05:15 am


الله يعطيك العافيه ياعمري ماقصرتي ,,,,,,,
ام زينه
ام زينه
7. رد: احترفي تشقير الحواجب في المنزل 09-07-2009 - 08:37 am


يسلمو يالغلا